La pesca dei marsoni
Nei ani 60, quando
ero en bocia, me ricordo de la pesca dei marsoni en tel Lem. L’era i ultimi ani
de sta pratica, quasi pů nesuni i le pescheva. Da quel che me conta me zii,
qualche an prima enveze l’era la passiom
de tanti putei. Ma co’l spopolamento de
la Vallarsa, co la possibilitŕ de comprar pesci en botega senza dover nar a
pescar de scondon del guardiapesca, co l’acqua del Lem che no l’era pů limpida
come na volta, sta tradizion l’č nada persa.
L’era pesci picoli, da 10 – 12 centrimetri, bruti, co’ la testa grossa.
I steva sconti soto i sassi pů grosi e i se moveva svelti da l’uno al’altro.
Gh’era do modi per ciaparli: co’ la retina o col piron. Nel primo caso se meteva en acqua na retina, la cunela, stando a val, e se moveva i
sassi; i marsoni i scapeva fora e i finiva en la retina. L’altro modo l’era de
ligar en piron en zima a ’n baston e
doperarlo come na fiocina. Se alzeva piam piam
i sassi pů grosi e dopo se ghe voleva riflessi pronti e vista bona per
zercar de ‘nfrizarli. Per far en bon pasto se ‘n ghe voleva tanti; enfarinadi e
friti en l’oio calt i era pieni de reste ma saoridi.
Specie: Cottus gobio
|
.